प्रिय,
खरं तर हा शब्द आता वापरायचा की नाही हे मला माहित नाही. कारण मी तुझ्या साठी जुनाच 'तो' असेल का माहीत नाही, तरी पण 'प्रिय'.
आता तू कदाचित म्हणशील फोन, व्हॉट्सऍप, एसएम्एस च्या जमान्यात हा पत्र प्रपंच कशासाठी ??? पण पत्रातून जे काही बोलता येतं ते इतर कशातून नाहीच जमत. खरं तर खुप आधीच हे पाठवायच होतं, गेल्या कित्येक दिवसांपासून मनात साठवून ठेवलेलं बोलायचं होतं पण हिम्मत करून लिहितोय. आपली भांडण ही तुला आणि मला काही नविन नव्हती, पण त्यादिवशीचा नूर काही वेगळाच होता. माझ्या नकळत माझा स्वाभिमान दुखावल्या गेल्याने मी तुला भरपूर बोललो ही. असं म्हणतात 'जो बूँद से गई वो हौद से नहीं आती' तरी पण सॉरी. आपण दोघांनिही सांभाळून घ्यायला हवं होत पण नाहीच जमलं ते आणि शब्दाला शब्द वाढत गेला. पण मी काय म्हणतो झालं गेलं विसरून जाऊन करुया ना नवी सुरवात 'मरीन ड्राइव्ह' च्या सूर्यास्ताच्या साक्षीने...
करशील ना एवढं आपल्यासाठी ????
(तुझाच) मित्र
